2022 ඔක්තෝබර් 09 වන ඉරිදා
පාතාල ලොක්කෝ 12ක් ඩුබායිවල
2022 ඔක්තෝබර් 09 වන ඉරිදා, පෙ.ව. 08:00 59
ගයාන් ගාල්ලගේ l
බස්නාහිර පළාත තුළ ක්‍රියාකාරී පාතාල කල්ලි 24ක් හඳුනාගෙන ඇති බවත් ඉන් නායකයන් ලෙස ක්‍රියා කරන 12 දෙනකු මේ වන විට ඩුබායි රාජ්‍යයේ ජීවත් වන බවත් බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා ප්‍රකාශ කළේය.
එසේම එම කල්ලි 24 තුළ සාමාජිකයන් 300 දෙනකු සිටින බවද හඳුනාගෙන ඇතැයි ඒ මහතා කීය.
දැනටමත් මෙම පිරිස් අත්අඩංගුවට ගැනීම සඳහා ඔවුන් සතු සියලුම තොරතුරු සියලුම පොලිස් ස්ථානවලට ලබා දී ඇති බවත් මෙම පිරිස් අත්අඩංගුවට ගැනීම සඳහා පැය 24 පුරා මෙහෙයුම් බස්නාහිර පළාත තුළ ක්‍රියාත්මක කෙරෙන බවත් ඒ මහතා සඳහන් කළේය.
ඩුබායි රාජ්‍යයට පැන ගොස් සිටින පිරිස් ගෙන්වීම රාජ්‍ය තාන්ත්‍රිකව සහ ජාත්‍යන්තර පොලීසියේ සහාය මත ක්‍රියාත්මක කරන බවත් දේශබන්දු තෙන්නකෝන් මහතා වැඩිදුරටත් පැවසීය.