රටින් ගෙන්වූ බිත්තර ළඟදීම රටපුරා
I යසවර්ධන රුද්රිගු
සිංහල අලුත් අවුරුද්දට පෙර ආනයනික බිත්තර සාමාන්‍ය වෙළෙඳපොළට නිකුත් කිරීමට බොහෝදුරට ඉඩ ඇතැයි රාජ්‍ය වාණිජ (විවිධ) නීතිගත සංස්ථාවේ ප්‍රකාශකයෙක් දේශයට පැවසීය.
දැනට රටේ ඇති බිත්තර හිඟය පිළිබඳ වෙළෙඳ අමාත්‍ය නලීන් ප්‍රනාන්දුගේ අවධානයට යොමුව ඇති අතර ඉතා ඉක්මනින් මේ පිළිබඳ ඇමැතිවරයාගේ නියෝගය ලැබෙනු ඇතැයි එම නිලධාරියා වැඩිදුරටත් කීවේය.
පසුගිය සතියේදී බිත්තර ලක්ෂ 10 ක් ඉන්දියාවෙන් ආනයනය කර ඇති අතර එම බිත්තරද රුපියල් 35 ගණනේ මහා පරිමාණ තානායම් හෝටල් සහ විශාල බේකරිවලට නිකුත් කරමින් පවතී. මේ වනවිට එම ආයතනවල බිත්තර හිඟය බොහෝදුරට අවම වී තිබේ. දැනට ගෙන්වා ඇති මුළු බිත්තර ප්‍රමාණය ලක්ෂ 40 කි.
මේ වනවිට විවෘත වෙළෙඳපොළේ බිත්තර අලෙවිය නැත්තටම නැතිවී ඇති අතර උත්සව සමයේදී තම අවශ්‍යතාවලට බිත්තර නොමැතිවීමෙන් ජනතාව හිරිහැරයට පත්වීම පිළිබඳ වෙළෙඳ ඇමැතිවරයාගේ අවධානය යොමු වී තිබේ.