2023 අප්‍රේල් 23 වන ඉරිදා
අයි.එම්.එෆ්. යෝජනා: සජබෙන් කමිටුවක්
2023 අප්‍රේල් 23 වන ඉරිදා, පෙ.ව. 06:00 37
I ගයාන් ගාල්ලගේ
ජාත්‍යන්තර මූල්‍ය අරමුදලේ යෝජනා රජය විසින් පාර්ලිමේන්තුවට ඉදිරිපත් කිරීමට නියමිත ඇති හෙයින් ඒ සම්බන්ධයෙන් පූර්ණ අධ්‍යනයක් සිදුකොට තම පක්ෂයේ පාර්ලිමේන්තු කණ්ඩායම දැනුම්වත් කිරීම සඳහා විශේෂ මන්ත්‍රී පිරිසක් සමගි ජනබලවේගය විසින් පත්කර තිබේ.
පාර්ලිමේන්තු මන්ත්‍රීවරුන් වන කබීර් හෂීම්, හර්ෂ ද සිල්වා, එරාන් වික්‍රමරත්න යන තිදෙනා ඒ සඳහා පත්කර ඇති අතර ඔවුන් එම යෝජනා අධ්‍යනය කර පාර්ලිමේන්තු කණ්ඩායම දැනුම්වත් කිරීමට නියමිතව ඇත. කෙසේ වෙතත් ජාත්‍යන්තර මූල්‍ය අරමුදලෙන් ආධාර ලබාගැනීම සම්බන්ධයෙන් එම පක්ෂයේ කිසිදු විරෝධයක් නැතත් ආණ්ඩුව එම අරමුදලේ යෝජනා ලෙසම හුවා දක්වමින් ජනතාව පීඩාවට පත්කීරිම සඳහා ගෙනෙන යෝජනාවලට සම්පූර්ණයෙන් විරුද්ධ වීමට තීරණය කර තිබේ.