පුංචි ඡන්ද දෙකට දින තීන්දුයි

ලබන වසරේ පැවැත්වීමට යෝජිත පළාත් පාලන මැතිවරණයට සහ පළාත් සභා මැතිවරණයට අදාළ කාලවකවානු ආණ්ඩුව විසින් තීරණය කරන ලද බව විශ්වාස කටයුතු ආරංචි මාර්ග පවසයි. ඒ අනුව කල් දමන ලද පළාත් පාලන ඡන්දයේ නාමයෝජනා අහෝසි කර අලුතින් නාමයෝජනා කැඳවා ලබන අප්‍රේල් මස මුල් භාගයේ පළාත් පාලන ඡන්දය පැවැත්වීමටත් වසර 7 කට වඩා කල් ගොස් ඇති පළාත් සභා මැතිවරණය ලබන වසරේ සැප්තැම්බර් මාසයේදී පැවැත්වීමටත් ආණ්ඩුව සැලසුම් කර තිබේ. ඊට පෙර අදාළ නීතිමය කටයුතු කඩිනමින් සම්පූර්ණ කරගැනීමට ආණ්ඩුව අවශ්‍ය පියවර ගනිමින් සිටින බවද සඳහන්ය.