ජනක රත්නායකට එරෙහි යෝජනාව මේ මස අගදී

I දේශපාලන වාර්තාකරු

මහජන උපයෝගිතා කොමිසමේ සභාපති ජනක රත්නායක එම තනතුරින් ඉවත් කිරීමට අදාළ මැතිසබා යෝජනාව අප්‍රේල් මස අවසන් සතියේ පාර්ලිමේන්තු න්‍යාය පත්‍රයට ඇතුළත් කෙරෙනු ඇතැයි රජයේ ආරච්චි මාර්ග කියයි. මෙයට පෙර ජනක රත්නායක මහතාට මුදල් අමාත්‍යංශය මගින් පිටු දෙකකින් සමන්විත චෝදනා පත්‍රයක් ඉදිරිපත් කෙරිණි. ඊට පිළිතුරු ලෙස තමන් පිටු 25 කින් සමන්විත පිළිතුරු පත්‍රයක් ලබාදුන් බව ඔහු මාධ්‍යයට පැවසීය.

ඔහුට එල්ල වූ චෝදනා සහ ඔහු ඉදිරිපත් කළ පිළිතුරු සම්බන්ධයෙන් තීරණයක් ගැනීම මුදල් අමාත්‍යංශයේ වගකීමය. එසේ වුවද මහජන උපයෝගිතා කොමිසමේ සභාපතිවරයාගේ ක්‍රියා කලාපය සම්බන්ධයෙන් මැතිසබයට ඉදිරිපත් කෙරෙන යෝජනාව මන්ත්‍රීන් 113 දෙනකුගේ බහුතර ඡන්දයෙන් සම්මත විය යුතුය.