ස්වාධීන කොමිෂන් සභා පත්කිරීම් අවුරුදු නිවාඩුවෙන් පසු

I සංජීවිකා සමරතුංග

ස්වාධීන කොමිෂන් සභා නවයක් වෙනුවෙන් අවුරුදු නිවාඩුවෙන් පසුව සාමාජිකයන් නම් කෙරෙනු ඇතැයි පාර්ලිමේන්තු ආරංචි මාර්ග කියයි.

මෙහි ආරම්භක පියවර වශයෙන් එම කොමිෂන් සභා සඳහා ලැබී තිබූ අයැදුම්පත් වර්ගීකරණය කොට ලැයිස්තුගත කර තිබේ. පසුගිය සතියේ රුස්වූ ආණ්ඩුක්‍රම ව්‍යවස්ථා සභාව මගින් ජාතික විගණන කොමිසම සඳහා සුදුසු සාමාජිකයන්ගේ නම් යෝජනා ඉදිරිපත් කර ඇතැයි දැනගන්නට තිබේ. ඒ අනුව ඉතා ඉක්මනින් විගණන කොමිෂන් සභාව පත් කිරීමට නියමිතය.

පළාත් පාලන මැතිවරණය ප්‍රකාශයට පත්කර ඇති නිසා ජාතික මැතිවරණ කොමිෂන් සභාව අලුතින් ස්ථාපනය කිරීම පමා වනු ඇතැයි දැනගන්නට ඇත. එසේ වුවද සෙසු කොමිෂන් සභා 7 සඳහා ලැබී ඇති අයැදුම්පත් අතරින් සුදුස්සන් තෝරාගැනෙනු ඇත. එහෙත් එම අයැදුම්කරුවන් සම්මුඛ පරීක්ෂණයකට භාජනය නොකෙරෙනු ඇතැයි වැඩිදුරටත් වාර්තා වෙයි.