ඩොලරය වැටීමෙන් තේවලටත් පහර වැදිලා

I ප්‍රියන්ජන් සුරේෂ් ද සිල්වා

ඩොලරයේ අගය පහත වැටී රුපියලේ අගය ඉහළ යාම හේතුවෙන් තේ අපනයනකරුවන්ට සියයට 14ක පමණ අලාභයක් සිදුවනු ඇතැයි කොළඹ තේ වෙළෙඳුන්ගේ සංගමයේ සභාපති ජයන්ත කරුණාරත්න මහතා දේශයට කීය. සාමාන්‍යයෙන් මෙරටින් මසකට තේ කිලෝ මිලියන 20ක් පමණ අපනයනය කරන අතර සති දෙකක් වැනි කාලයක් තුළ එක්වරම ඩොලරයේ අගය පහත වැටීමෙන් පසුගිය කාලයේ අපනයනය කරන ලද තේ සඳහා ලැබෙන ආදායම රුපියල් බවට පත් කිරීමේදී තමන්ට මෙම අලාභයට මුහුණ පෑමට සිදුව ඇතැයි ඒ මහතා පෙන්වා දෙයි.

සාමාන්‍යයෙන් මෙරටින් මසකට තේ කිලෝ මිලියන 20ක් පමණ අපනයනය කරන අතර සති දෙකක් වැනි කාලයක් තුළ එක්වරම ඩොලරයේ අගය පහත වැටීමෙන් පසුගිය කාලයේ අපනයනය කරන ලද තේ සඳහා ලැබෙන ආදායම රුපියල් බවට පත් කිරීමේදී තමන්ට මෙම අලාභයට මුහුණ පෑමට සිදුව ඇතැයි ඒ මහතා පෙන්වා දෙයි.

බොහෝ තේ අපනයනකරුවන්ට ඩොලර් මිලියන ගණනින් ලැබීමට තිබේ. අපනයනය කරන ලද තේ සඳහා මුදල් ලැබීමට දින 60ත් දින 120ත් අතර කාලයක් ගත වේ. තේ වෙළෙඳුන් තේ ලබාගන්නේ තේ වෙන්දේසියෙන් වන අතර තේ ලබාගැනීමට පෙර ඒ සඳහා මුදල් ගෙවිය යුතුය. තේ මිලට ගැනීම සඳහා රුපියල්වලින් ගෙවීමට සිදුවන හෙයින් තේ අපනයනයෙන් ලැබෙන ඩොලර් රුපියල්වලට පරිවර්තනය කළ යුතුය. එබැවින් අපනයනය කරන සමයේ පැවැති අගයට වඩා අඩු අගයක් ලැබීම නිසා තේ අපනයන සමාගම් රුසකට විශාල අලාභයකට මුහුණ දීමට සිදුවන්නේ යැයි කරුණාරත්න මහතා සඳහන් කළේය.