මේ වසරේදී උද්ධමනය අඩකින් බසීවි - ආසියානු සංවර්ධන බැංකුව

I ව්‍යාපාරික වාර්තාකරු

පසුගිය වසරේ 46.4% ක්වූ උද්ධමනය මේ වසරේ 24.6% ක් දක්වා පහත වැටෙනු ඇතැයි ආසියානු සංවර්ධන බැංකුවේ නවතම ආර්ථික පුරෝකථනයේ සඳහන්ය. එම පුරෝකථනය අනුව 2024 වසරේදී (ලබන වසරේදී) මෙරට සමස්ත උද්ධමනය 5.5% ක් තරම් පහත මට්ටමකට පත්වනු ඇතැයිද සඳහන්ය.

පැවති අර්බුදකාරී ආර්ථික තත්ත්වය යටතේ 2022 වසරේදී ශ්‍රී ලංකාවේ ආර්ථිකය 7.8% කින් හැකිලිණි. (සංකෝචනය විය.) එහෙත් මේ වසරේ ආර්ථිකයේ හැකිලීම 3% ක් දක්වා අඩුවනු ඇත. 2024 වසරේ එම දුෂ්කර තත්ත්වය හමාර වී ආර්ථිකය වර්ධනය වීම ආරම්භ වන අතර 2024 දී 1.3% ක පමණ ආර්ථික වර්ධනයක් අපේක්ෂා කරන බව ආසියානු සංවර්ධන බැංකුව පවසයි.