පුංචි ඡන්දය නවතා තිබියදී ජනාධිපතිවරණය ගැන කතාව විහිළුවක් - සුනිල් හඳුන්නෙත්ති

I ගයාන් ගාල්ලගේ

පළාත් පාලන මැතිවරණය කැඳවා ඇති මොහොතක ජනාධිපති අපේක්ෂකයන් ගැන කතා කිරීම විහිළුවක් බවත් මැතිවරණය කැඳවා ඇති මොහොතක එය නොපවත්වා තවත් මැතිවරණයක් ගැන කතා කරන්නේ කෙසේද යන ප්‍රශ්නය පැන නගින බවත් ජාතික ජන බලවේගයේ හිටපු මන්ත්‍රී සුනිල් හඳුන්නෙත්ති මහතා දේශයට කීය.

ඔහු මේ බව ප්‍රකාශ කළේ ඉදිරි මැතිවරණ සම්බන්ධව දේශය කළ විමසුමකට පිළිතුරු වශයෙනි. දැනට තම පක්ෂයට ජනාධිපති අපේක්ෂකයන් නැති බවත් ඉන්නේ පළාත් පාලන මැතිවරණ අපේක්ෂකයන් බවත් ඔහු වැඩිදුරටත් සඳහන් කළේය.