රට රස්සාවෙන් මාර්තු මාසේ ඩොලර් කෝටි 50ක්

සංජීවිකා සමරතුංග |

විදේශගත ශ්‍රමිකයන්ගේ ඩොලර් ආදායම (විදේශ ප්‍රේෂණ) ලැබීම විශාල ලෙස ඉහළ ගොස් ඇති බව මහ බැංකුවේ නවතම වාර්තා පෙන්වා දෙයි. එම වර්ධනය කැපී පෙනුණේ පසුගිය මාර්තු මාසයේ සිටය

මාර්තුවේ ශ්‍රී ලංකාවට විදේශගත ශ්‍රමිකයන් විසින් එවන ලද ප්‍රේෂණ ප්‍රමාණය අමෙරිකානු ඩොලර් මිලියන 500 ඉක්මවීය. වසර ගණනාවකට පසු වාර්තාගත ලෙස මාර්තු මාසයේ ලැබුණු ඩොලර් ඩොලර් ප්‍රමාණය මිලියන 563 කි. (ඩොලර් කෝටි 56.3 කි.)

මෙම ප්‍රේෂණ ප්‍රමාණය 2021 අප්‍රේල් මාසයට පසු ලැබුණු වැඩිම විදේශ ප්‍රේෂණ ප්‍රමාණයයි. එලෙස මේ වසරේ මුල් කාර්තුව තුළ විදේශගත ශ්‍රමිකයන්ගෙන් ලැබුණු ඩොලර් ප්‍රමාණය ඩොලර් කෝටි 140 ක් හෙවත් ඩොලර් බිලියන 1.4 කි. ඉදිරියේදී ද මෙලෙස විදේශගත ප්‍රේෂණ ලැබීමේ සෑහෙන වර්ධනයක් අපේක්ෂා කළ හැකි බව ශ්‍රී ලංකා මහ බැංකුව වැඩිදුරටත් පවසයි.