අලුත් ගාස්තුවෙන් රට බඩු මිල නගී

I යසවර්ධනරුද්රිගු

භාණ්ඩ ආනයනයේදී ඒවා නිපදවන රටවල නැව් සමාගම්වලින් ගෙවූ THC (Terminal Handling Charges) ගාස්තු මෙරට ආනයනකරුවන්ට ගෙවීමට සිදුවීම නිසා මැයි මස 01 දින සිට ආනයනය කරන භාණ්ඩවල මිල කිලෝවකටරුපියල් හතරකින් හෝ පහකින් පමණ ඉහළ යාමේ අවදානමක් මතුව ඇති බව අත්‍යවශ්‍ය ආහාර ද්‍රව්‍ය ආනයනකරුවන්ගේ සංගමයේ මාධ්‍ය ප්‍රකාශක නිහාල් සෙනෙවිරත්න දේශයට පැවසීය.

2012 වසරේ සිට මෙම ගාස්තු අයකළේ නිෂ්පාදිත රටවලින් නමුත් වරාය, නාවික හා ගුවන්සේවා අමාත්‍ය නිමල් සිරිපාල ද සිල්වා විසින් එම ක්‍රමය අහෝසි කිරීම මෙම තත්ත්වයට හේතු වී ඇතැයි මාධ්‍ය ප්‍රකාශකවරයා කියයි. මෙම ගාස්තු ඉවත් කිරීම ආනයනකරුවන්ට පමණක් නොව අපනයනවලටද අහිතකරව බලපාන බව ඔහු ප්‍රකාශ කළේය.

මේ පිළිබඳ ආනයනකරුවන් සහ වාණිජ මණ්ඩලවල නිලධාරීන් පසුගිය 19දා ජනාධිපතිවරයා සමග සාකච්ඡාවක් අපේක්ෂාවෙන් සිටියද අන්තිම මොහොතේ එය අවලංගු වූ බව පැවසූ මාධ්‍ය ප්‍රකාශකවරයා අවධාරණය කළේ නුදුරු දිනකදී ජනාධිපතිවරයා හමුවීමට බලාපොරොත්තුව සිටින බවය.