නිදහස ජනතා සභාවේ මතගැටුම්
I දේශපාලන වාර්තාකරු
පොහොට්ටුවෙන් ඉවත්වූ මන්ත්‍රීන් 13 දෙනකුගෙන් සමන්විත නිදහස ජනතා සභාව ඔවුන්ගේ ඉදිරි ගමන ගැන අභ්‍යන්තර මත ගැටුමක නිරතව සිටින බව දේශයට වාර්තා වෙයි.
අප වෙත ලැබුණ තොරතුරු අනුව එහි ජ්‍යෙෂ්ඨ මන්ත්‍රීන් තිදෙනෙකු ඉදිරියේදී සමගි ජන බලවේගය සමඟ එක්විය යුතු යැයි පක්ෂයට යෝජනා කර ඇත. තවත් නවක මන්ත්‍රීන් තිදෙනෙක් තම කණ්ඩායම විමල් වීරවංශ හා උදය ගම්මන්පිල ඇතුළු පිරිස විසින් නිර්මාණය කළ උත්තර ලංකා සභාගය සමග එක්විය යුතු බවට මත පලකර ඇත. මධ්‍යම පළාත නියෝජනය කරන මන්ත්‍රීන් දෙදෙනෙක් නැවත ආණ්ඩුව සමඟ එක්විය යතු යැයි පවසා තිබේ. දකුණු පළාත නියෝජනය කරන එක් මන්ත්‍රීවරයෙක් ප්‍රකාශ කර ඇත්තේ තම මන්ත්‍රී කණ්ඩායම ජ.වි.පෙ. (මාලිමාව) සමඟ සන්ධාන ගත විය යුතු වගයි. මෙම මන්ත්‍රී කණඩායමේ ප්‍රධානියා වන ඩලස් අලහප්පෙරුම මන්ත්‍රීවරයා මෙතෙක් සිය මතය ප්‍රකාශ කර නැතැයිද ඒ අතර වාර්තා වෙයි.
පවත්නා මත ගැටුම හේතුවෙන් නිදහස ජාතික සභාව අර්බුදයකට ලක්ව සිටින බව විශ්වාස කටයුතු ආරංචි මාර්ග පවසයි.