ප්‍රතිත්‍රස්ත පනතේ සහයට පොහොට්ටුවෙන් කොන්දේසි

I දේශපාලන වාර්තාකරු

යෝජිත ප්‍රතිත්‍රස්ත පනතට පාර්ලිමේන්තුවේදී සහාය දීමට නම් එම පනත ආණ්ඩුක්‍රම ව්‍යවස්ථාවට, මූලික මිනිස් අයිතිවාසිකම්වලට හා ප්‍රජාතන්ත්‍රවාදයට විරුද්ධ පනතක් නොවන බවට අධිකරණ අමාත්‍යවරයා සහතිකයක් ලබාදිය යුතු බව ශ්‍රී ලංකා පොදුජන පෙරමුණේ මහ ලේකම් නීතිඥ සාගර කාරියවසම් මහතා දේශයට පැවසීය.

විශේෂයෙන්ම මෙම පනතේ ත්‍රස්තවාදී ක්‍රියාවක් යන්න අර්ථකථනය කර ඇති ආකාරය ව්‍යාකූල බැවින් ඒ පිළිබඳව පැහැදිලි අර්ථකථනයක්ද අත්‍යවශ්‍ය බව සාගර කාරියවසම් මහතා සඳහන් කළේය. මෙම ඉල්ලීම් ඉටුවන තෙක් ප්‍රතිත්‍රස්ත පනත මැතිසබයට නොගෙනෙන ලෙසද තමන් රජයෙන් ඉල්ලා සිටින වගද මහ ලේකම්වරයා වැඩිදුරටත් කීය.