පාස්කු ප්‍රහාරයේ රහස් එළියට!
ප්‍රියන්ජන් සුරේෂ් ද සිල්වා l
පාස්කු ප්‍රහාරය සම්බන්ධයෙන් මෙතෙක් හෙළිදරව් නොවූ රහස්‍ය තොරතුරු හෙළිදරව් කිරීමට කතෝලික සභාව ක්‍රියාකරනු ඇතැයි දේශයට වාර්තා වෙයි.
පසුගියදා අගරදගුරු සම්මේලනය වෙත ලබා දුන් පාස්කු ප්‍රහාරයට අදාළව මෙතෙක් හෙළිදරව් නොවූ රහසිගත තොරතුරු ඇතුළත් සංඝත තැටි (cd) අගරදගුරු සම්මේලනය නීතීඥ කණ්ඩායමක් හා කිතුණු විද්වතුන් පිරිසක් සමඟ එක්ව අධ්‍යයනය කිරීමෙන් පසු ඒ සම්බන්ධයෙන් ප්‍රකාශයක් කරනු ඇතැයිද, එහි අන්තර්ගත කරුණු ජනතාවට හෙළිදරව් කිරීමට ඉඩ ඇති බවද දේශය කළ විමසීමට පිළිතුරු දෙමින් ජාතික කතෝලික ජනසංනිවේදන අධ්‍යක්ෂ ජූඩ් ක්‍රිෂාන්ත ප්‍රනාන්දු පියතුමා ප්‍රකාශ කළේය.
පාස්කු ප්‍රහාරය පිළිබඳ විමර්ශනය කළ කොමිසම් වාර්තාවේ ඇතැම් වෙළුම් ජාතික ආරක්ෂාව සම්බන්ධ අති සංවේදී කරුණු ඇතුළත් බව පවසමින් ඒවා ප්‍රසිද්ධියට පත්කිරීමෙන් වැළකී සිටි අතර තමන්ට එම සම්පූර්ණ වාර්තාව ලබා දෙන ලෙසට කතෝලික සභාව අවස්ථා ගණනකදී රජයෙන් ඉල්ලා සිටියේය. ඒ අනුව ජනාධිපතිවරයාගේ අනුමැතිය මත සම්පූර්ණ වාර්තාව පසුගිය 25දින අගරදතුරු සම්මේලනයේ සභාපති අති උතුම් හැරල්ඩ් ඇන්තනි රදගුරුතුමන් වෙත භාර දී තිබිණි.