වතුර බිල යළි නග්ගයි

I ගයාන් ගාල්ලගේ

විදුලි ගාස්තු ඉහළ යාමත් සමඟ ජලය පිරිපහදු කිරීම සඳහා විදුලිය විශාල වශයෙන් වැයවන බැවින් එම පිරිවැය ජල ගාස්තුව මගින් පියවා ගැනීමට ජල සම්පාදන හා ජලාපවහන මණ්ඩලය සාකච්ඡා කරමින් තිබෙන බව එම මණ්ඩලයේ ජ්‍යෙෂ්ඨ නිලධාරියෙක් දේශයට පැවසීය.

විදුලි බිල වැඩිවීමත් සමඟ අතිරේක පිරිවැයක් පානීය ජල නිෂ්පාදනයට වැයවන නිසා එය මණ්ඩලයට තවදුරටත් දැරිය නොහැකි බව මණ්ඩලයේ නිලධාරීන් පෙන්වා දී තිබේ.

කෙසේ වෙතත් මේ සම්බන්ධයෙන් විෂය බාර අමාත්‍යවරයා ජනාධිපතිවරයා සමඟ සාකච්ඡා කොට තීරණය කරන බව එම නිලධරයා සඳහන් කළේය.