ණය බරේ තරම ජනපති හෙළිකරයි

දේශපාලන වාර්තාකරු l

2022 වසරේ හටගත් ආර්ථික අර්බුදය නිසා රටේ දෙස් විදෙස් ණය බර දළ දේශීය නිෂ්පාදනයේ ප්‍රතිශතයක් ලෙස 128% ක් බවට පත්ව ඇතැයි ජනාධිපති රනිල් වික්‍රමසිංහ මහතා පාර්ලිමේන්තුවේදී විශේෂ ප්‍රකාශයක් කරමින් පැවසීය. වර්ෂ 2019 දී බදු වර්ග ගණනාවක් කපා දැමීම නිසා රාජ්‍ය ආදායමෙන් 4% ක ප්‍රතිශතයක් රටට අහිමි විය.

එසේ වුවද පසුගිය කාලයේ කරන ලද බදු සංශෝධන නිසා මේ වසරේ ඍජු බදු ආදායම රුපියල් බිලියන 2.9ක් හෙවත් කෝටි 290ක් වෙතැයි අපේක්ෂා කරන බවද සඳහන් කළේය. රජයේ ඉලක්කය වන්නේ වර්ෂ 2032 වනවිට රාජ්‍ය ණය ප්‍රමාණය දළ දේශීය නිෂ්පාදනයේ ප්‍රතිශතයක් ලෙස 128% සිට 95% දක්වා අඩුකිරීම බවද ජනාධිපතිවරයා අවධාරණය කළේය.