ව්‍යවස්ථා සභාවේ එකඟතාවක් නැහැ ස්වාධීන කොමිෂන් තවත් පමාවෙයි

දේශපාලන වාර්තාකරුl

ස්වාධීන කොමිෂන් සභා සඳහා සුදුසු සාමාජිකයන් පත්කිරීම පිණිස ආණ්ඩුක්‍රම ව්‍යවස්ථා සභාව පසුගිය සති කිහිපයේ වාර 5ක් පමණ රැස්වූ නමුත් ඇතැම් කොමිෂන් සභාවල සාමාජිකත්වය සඳහා යෝජිත නම්වලට ව්‍යවස්ථා සභා සාමාජිකයන්ගේ එකඟතාවක් නොමැති වීමෙන් කොමිෂන් සභා 5ක් සඳහා සාමාජිකයන් පත් කර ගැනීමේ කටයුතු තවදුරටත් ඇණහිට තිබේ.

යෝජිත ස්වාධීන කොමිෂන් සභා 9න් ප්‍රසම්පාදන කොමිසම, විගණන කොමිසම, රාජ්‍ය සේවා කොමිසම යන කොමිෂන් සඳහා සාමාජිකයන් දැනටමත් පත්කර තිබේ. තවත් කොමිෂන් සභා 6ක් සඳහා සාමාජිකයන් පත්කළ යුතුව ඇත. ඒ සඳහා ලබන සතියේ නැවතත් ව්‍යවස්ථා සභාව රුස්වීමට නියමිත බව පාර්ලිමේන්තු ආරංචි මාර්ග කියයි.