පාර්ලිමේන්තුව වටේ ස්පා 625 ක් - ඩයනා

I දේශපාලන වාර්තාකරු

ශ්‍රී ජයවර්ධනපුර පාර්ලිමේන්තුව අවට ප්‍රදේශවල සම්භාහනාගාර (ස්පා) ආයතන 625ක් තිබෙන බව සංචාරක රාජ්‍ය අමාත්‍ය ඩයනා ගමගේ මහත්මිය ප්‍රකාශ කළාය. ඇය මේ බව ප්‍රකාශ කළේ පසුගියදා රුස්වූ රජයේ පාර්ලිමේන්තු කණ්ඩායම් සාකච්ඡාවේදීය.

එම සම්භාහනාගාර (ස්පා) විධිමත් ලෙස පවත්වාගෙන යාමට නම් ඒවායේ සේවා ගුණාත්මකභාවය ඉහළ නැංවීම සඳහා සෑම ආයතනයකටම ආයුර්වේද වෛද්‍යවරයකු බැගින් පත් කරන ලෙසද ඇය ඉල්ලා සිටියාය. ඊට පිළිතුරු දුන් ආයුර්වේද රාජ්‍ය අමාත්‍ය සිසිර ජයකොඩි මහතා සඳහන් කළේ ස්පා සඳහා වෛද්‍යවරුන් අනවශ්‍ය බවත් ඒවායේ පුහුණු කාර්ය මණ්ඩල සේවය සපයන බවත්ය.