IMF ණය වැඩේ ජූනියට කල් යයි

ව්‍යාපාරික වාර්තාකරු I

ජාත්‍යන්තර මූල්‍ය අරමුදලේ යෝජනා අනුව සිදුකළ යුතු ද්විපාර්ශ්වික විදේශ ණය ප්‍රතිව්‍යුහගත කිරීම ලබන ජූනි මාසය දක්වා කල් ගොස් ඇත. එහෙත් ආණ්ඩුව අපේක්ෂා කළේ ණය ප්‍රතිව්‍යුහගත කිරීම මෙම මාර්තු මාසය වන විට හමාර කොට රට බංකොලොත්භාවයෙන් මිදුණු බව ප්‍රකාශ කිරීමටයි. මුලින්ම ජපානය හා ඉන්දියාව සමඟත් අනතුරුව චීනය හා සෙසු රටවල් සමඟත් ණය ප්‍රතිව්‍යුහගත කිරීමට අදාළ ගිවිසුම් අත්සන් කළ යුතු බවට යෝජනා වී තිබිණි. එහෙත් තවමත් එම මූලික සාකච්ඡා හමාර වී නැත.

මේ දිනවල ජපානයට ගොස් සිටින රජයේ ප්‍රධාන ආර්ථික උපදේශකවරයකුගේ ප්‍රධානත්වයෙන් යුත් කණ්ඩායමක් අපේ ප්‍රධානම ණය හිමිකරුවා වන ජපාන ණය ප්‍රතිව්‍යුහගත කිරීමේ අවසන් එකඟතා ගැන සාකච්ඡා කරමින් සිටියි.