මහ ඡන්ද දෙකම එක දිනයක තියන්න - කතානායක

 දේශපාලන වාර්තාකරු I

මැතිවරණ සඳහා දැවැන්ත වියදමක් දරන මෙරට ඡන්ද වියදම් අඩුකර ගැනීම සඳහා ජනාධිපතිවරණය සහ මහ මැතිවරණය එකම දිනක පැවැත්විය යුතු බව කතානායක මහින්ද යාපා අබේවර්ධන මහතා දේශයට පැවසීය. දැනට වාර්තා වන ආකාරයට මෙම ඡන්ද දෙක වෙන වෙනම පවත්වන්නේ නම් රුපියල් බිලියන 2000ක පමණ වියදමක් දරන්නට සිදුවෙයි. එකවර ඡන්ද දෙකම පවත්වන්නේ නම් එම වියදම සෑහෙන පමණ අඩු කරගත හැකිය. එසේම ඡන්ද අපේක්ෂකයන්ට දරන්නට සිදුවන විශාල වියදම, නාස්තිය හා මහන්සිය අවම කර ගැනීමටද මෙම යෝජනාව ඵලදායක වේ යැයි තමන් සිතන බව කතානායකවරයා කීය.

ඡන්ද දෙකම එකම දින පවත්වන්නේ නම් වෙනම ඡන්ද පෙට්ටි සහ වෙනම නිලධාරී පිරිසක් පත් කිරීමෙන් මෙම කටයුත්ත ඉටු කරගත හැකි බව තමන්ගේ අදහස යැයි ද හෙතෙම සඳහන් කළේය.