2024 අප්‍රේල් 27 වන සෙනසුරාදා
පැරිස් ඔලිම්පික් උළෙලට ශ්‍රී ලංකාවෙන් 12ක්
2024 අප්‍රේල් 27 වන සෙනසුරාදා, ප.ව. 02:00 26
ක්‍රීඩා වාර්තාකරු I
ප්‍රංශයේ පැරිස් නුවරදී ලබන ජූලි මස 26 දින ආරම්භ වන 2024 ඔලිම්පික් ක්‍රීඩා තරගාවලියට ශ්‍රී ලංකාව නියෝජනය කරමින් ක්‍රීඩක ක්‍රීඩිකාවන් 12 දෙනකු පමණ සහභාගි වනු ඇතැයි පැවසේ. බැඩ්මින්ටන් ක්‍රීඩක විරේන් නෙත්සිංහ, ධාවනශූර යුපුන් අබේකෝන්, මළල ක්‍රීඩා ඉසව්වෙන් තරුෂි කරුණාරත්න, හෙල්ලය විසි කිරීම ඉසව්වෙන් දිල්හානි ලේකම්ගේ වැනි ක්‍රීඩක ක්‍රීඩිකාවන්ට ඔලිම්පික් වරම් ලැබෙනු ඇතැයි අපේක්ෂා කෙරේ.
මෙවර ඔලිම්පික් ක්‍රීඩා උළෙලට ක්‍රීඩා ඉසව් 30ක් පමණ ඇතුළත්ව තිබේ. ශ්‍රී ලංකාවට මෙයට පෙර ඔලිම්පික් පදක්කමක් දිනාගැනීමට අවස්ථාව සැලසී ඇත්තේ මෙයට වසර 24කට පෙර වසර 2000 දීය.