කතානායක – අගවිනිසුරු හමුව වැට උඩ

දේශපාලන වාර්තාකරු I

වැඩ බලන පොලිස්පතිවරයකු පත් කිරීම සම්බන්ධ සාකච්ඡාවක් සඳහා කතානායකවරයා සහ අගවිනිසුරුවරයා අතර හමුවක් සිදු නොවනු ඇතැයි පාර්ලිමේන්තු ආරංචි මාර්ග පවසයි.

ඊට අදාළව විධිමත් නීති ප්‍රතිපාදන නොමැතිවීමත් කතානායකවරයා පොලිස්පතිවරයාට එරෙහි නඩුවේ පාර්ශ්වකරුවකු වීමත් නිසා අධිකරණයේ විභාග වෙමින් පවත්නා නඩුවක් සම්බන්ධයෙන් උසාවි ක්‍රියාදාමයෙන් බැහැරව සාකච්ඡා කිරීම යෝග්‍ය නොවන බැවින් මෙලෙස අදාළ හමුව සිදු නොවන බව සඳහන්ය. එම තත්ත්වය තුළ අගවිනිසුරු හා කතානායක අතර හමුවකට දෙපාර්ශ්වයෙන්ම ඉල්ලීම් ඉදිරිපත් කර නොමැත.