මහින්ද ආසියානු සංවර්ධන බැංකුවට දුමින්ද මුදල් අමාත්‍යංශයට
දේශපාලන වාර්තාකරු I
මුදල් අමාත්‍යංශයේ ලේකම් මහින්ද සිරිවර්ධන මහතා ආසියානු සංවර්ධන බැංකුවේ ශ්‍රී ලංකාව නියෝජනය කරන විකල්ප අධිපති ධුරයට පත්ව යාමට නියමිත බව දේශයට වාර්තා වෙයි.
මෙම තනතුර ශ්‍රී ලංකාවට හිමිවන්නේ වසර 12 කට පසුවය. නව තනතුර සඳහා මහින්ද සිරිවර්ධන මහතාගේ නම රජය විසින් ආසියානු සංවර්ධන බැංකුවට මේ වන විටත් යොමුකර ඇතැයි දැනගන්නට ඇත.
ආසියානු සංවර්ධන බැංකුවේ මෙම උසස් තනතුර සඳහා මුදල් අමාත්‍යංශයේ නියෝජ්‍ය ලේකම්වරයකු වන අජිත් අබේසේකර මහතා ද ඉල්ලුම් කර තිබිණි. එහෙත් රජය තෝරාගත්තේ මහින්ද සිරිවර්ධන මහතාය.
ඔහු මීට පෙර ජාත්‍යන්තර මූල්‍ය අරමුදලේ ශ්‍රී ලංකාව භාර විකල්ප විධායක අධ්‍යක්ෂ ලෙස ද සේවය කර තිබිණි.
මුදල් ලේකම්වරයා නව තනතුර සඳහා පත්ව යාමෙන් පසු මුදල් අමාත්‍යංශ ලේකම් පදවියට ජනාධිපති ජ්‍යෙෂ්ඨ ආර්ථික උපදේශක දුමින්ද හුලංගමුව මහතා පත්කෙරෙනු ඇතැයි දැනගන්නට තිබේ.
