ලොව ජනප්‍රියතම ආධුනික ක්‍රිකට් තරගාවලියට ශ්‍රී ලංකාවත්

ලොව පුරා 2000කට අධික කණ්ඩායම් සංඛ්‍යාවකගේ සහභාගිත්වයෙන් පැවැත්වෙන ලොව ජනප්‍රියතම ආධුනික ක්‍රිකට් තරගාවලියක් වන ලාස්ට් මෑන් ස්ටෑන්ඩ්ස් ශ්‍රී ලංකා තරගාවලිය අද (21) ආරම්භ වෙයි. මෙහිදී එක් පිලකට ක්‍රීඩකයන් 8 දෙනකු ඇතුළත් වන අතර පන්දුවාර 20 තරගයක් පැය 2කට සීමාවෙයි.

ශ්‍රී ලංකා තරගාවලියේ ජයග්‍රාහකයන් මේ වසරේ දෙසැම්බර් මස දකුණු අප්‍රිකාවේ කේප් ටවුන් හිදී පැවැත්වෙන ලෝක කුසලානය සඳහා සුදුසුකම් ලබන අතර ඒ සඳහා වන සියලු වියදම් ලාස්ට් මෑන් ස්ටෑන්ඩ්ස් ශ්‍රී ලංකා වෙතින් දරණු ඇත.

සුදුසුකම් ලබන ශ්‍රී ලාංකික ක්‍රීඩකයන් හට ලොව ජනප්‍රියතම ආධුනික 20-20 ක්‍රිකට් තරගාවලියට සහභාගි වීමේ අවස්ථාව හිමිවනවා සේම ජාත්‍යන්තර වර්ගීකරණය සහ රු. 45,000/- ක් වන මුදල් ත්‍යාග, සම්මාන සහතික පත් ඇතුළු තවත් බොහෝ ත්‍යාග හිමිවේ.