සන්තෝසම

මේ රටේ බලවත් එක්තරා දේශපාලන පක්ෂයක ප්‍රාදේශීය මට්ටමේ රැස්වීමක් දකුණු පළාතෙ නගරෙක තිබුණය කියමුකො...

ඒ රුස්වීම කැඳෙව්වෙ පළාතෙ ඉන්න දේශපාලන ක්ෂේත්‍රයේ සූත්තර පුංචෙක්ලු...

ඡන්දය ඉවර වුණාට පස්සෙ ඡන්දෙට උදව් කළ ජනතාවට ආයුබෝවන් කියලා ස්තූති කරලා නැවතත් ඉදිරි මහ ඡන්දයට සූදානම් කරවන්න ඕන නිසා තමයි මේ වැඩේ කළේ...

රුස්වීමට තමන්ගෙ පාටියෙ ලොකු ලොක්කො කවුරැවත් එන බවක් එහෙම කියල තිබුණෙත් නැතිලු... ඒ නිසා වැඩේට ඇති තරම් සෙනඟ ආවේ නැත්නම් මාධ්‍ය කස්ටිය වැඩේ වන කරන්න ඉඩ තියෙන නිසා ජනතාව ගෙන්වා ගැනීමට සංවිධායකයො පොඩි උපක්‍රමයකුත් පාවිච්චි කළා...

ඒ උපක්‍රමය හේතුවෙන් හිතුවටත් වඩා සෙනගක් රැස්වීමට ආවලු... කලින් නිවේදනය කරලා නොතිබුණත් ඔය කියන පක්ෂයේ බලවත්ම අයත් මේ අවස්ථාවට සහභාගී වුණා... කියලා තතු දත් අය කියනවා.. 

කොහොම හරි රුස්වීමට පැමිණි අය වැඩේ ඉවරවෙලා පෝලිමේ ගිහින් එයාලට වෙන්කරල තිබුණ හාල් කිලෝ පහක පැකට්ටුවත් රැපියල් පන්සීයක මූල්‍ය ආධාරයත් ලබාගත්ත. ඊට පස්සෙ සභාතොමෝ සතුටින් විසිර ගියා...