පට්ටමක් වුවමනා කර තිබේ
අලුත් ආණ්ඩුවක් හැදුවොත් ඒකට හේත්තු වෙලා මොකක් හරි ලොකු පුටුවකට පැනගන්න ට්‍රයි කරන පොරවල් මේ රටේ හිඟ නැහැ.
ඒකට පාර කපාගන්න සමහරැ සංවිධාන හදන් ඉන්නව. තවත් අපට දේශපාලන පක්ෂ අටවගෙන ඉන්නවා.... හැබැයි ඒ පක්ෂ ත්‍රීවීල් පක්ෂ බවත් කියන්න ඕන.
මහින්ද උන්නැහේ බලයෙ ඉන්න කාලෙ උන්නැහේට කිට්ටුවෙලා පට්ටම් අරන් උන්නැහේ ගියාම එයාට ඉන්න තමන් හැදූ ගෙයක් දෙනවා කියලා ප්‍රචාරය කරලා පස්සේ ඒ පොරොන්දුව අමතක කළ මුන්නැහේ යහපාලනේට සැට්වෙලා ලොකු රස්සාවක් ගත්තා....
ඊටපස්සෙ රස්සාව කරගෙන හිටපු තැන හුටපට නිසා ලංකාවට ඇවිත් මහපුටු ඡන්දෙටත් ඉල්ලුව කියමුකො...
දැන් ඉතින් ආපසු යහපාලනේ කම්මුතුවෙලා ගෝඨපාලනේ ඇවිල්ලා... ඒ නිසා අපි මේ කියන කම්කරැ ජනතාව වෙනුවෙන් පෙනී සිටිනවය කියන පක්ෂයන් හිමි මේ දේශපාලන පුඟුලා අලුත් ආණ්ඩුවට සැට්වෙන්න පාරක් සොයනවලු...
පළවෙනි මහත්තයට එකපාරටම කිට්ටුවෙන්න බැරි නිසා... හිතහොඳ දෙවැනි මහත්තයගෙ පාරෙන් ඒ පැත්තට යන්න වැඩක් සැට් කරගෙන යන බවයි තතු දත් අය කියන්නෙ. නමුත් මේ පාර නම් වැඩේ එච්චර ලේසි වෙන්නෙ නැහැ වගෙයි පේන්නෙ... ඒත් මේ දේශපාලන පුඟුලා ලියන ගෙයක ඉඳගෙන තමන්ගෙ සටන දියත් කරන්න පිඹුරැපත් හදන බවයි ආරංචි.
