වැඩේ වැරදියිලු

දුරකථන පාටියේ සංවිධායකවරු කස්ටියක් මේ ළඟදී නායක තැන විසින් පත් කරලලු. ඒ පත්කිරීම්වල තියෙන අවුලක් නිසා පක්ෂය ඇතුළේ දැන් ප්‍රශ්නයක් ඇතිවෙලා කියල එතැන ජ්‍යෙෂ්ඨයෝ කියනව. පක්ෂ ව්‍යවස්ථාව අනුව සංවිධායකවරු කළමනාකරණ කමිටුවෙන් පත්කරලා කෘත්‍යාධිකාරී මණ්ඩලයෙනුත් අනුමත කරගන්න ඕන වුණත් මේ එක පත්වීමක් ගැනවත් කෘත්‍යාධිකාරී මණ්ඩලය දන්නේ නැතිලු.

දැන් නොතේරුණු සංවිධායක උන්නැහලා පක්ෂයේ ලොකු ලොකු තැන්වලට කතා කරලා ප්‍රශ්න කරනකොට ඒ අය කිසිදෙයක් දන්නේ නෑ කියලයි ආරංචිය. මේ වැඩේ නිසා අලි අමාරුවක වැටුණු ලොකු තැන් ඒ ඒ අය අතර ලොකු ලොකු විවේචන පටන් අරන් කියල ආරංචියි. මේ ගැන දැන් ඒ ලොකු තැන්වල උදවිය පක්ෂයේම ලොකු තැනට ලිඛිතව දෙන්නලු යන්නේ කරපු වැඩේ වැරදියි කියලා.