රහස් කතාවෙන් ඵල ලබයි

ගිය ඡන්ද කාලෙ ආණ්ඩුවට උදව් කරපු පොහොට්ටුව වෙනුවෙන් නොයෙක් බණ දේශනා කරපු පූජ්‍ය පක්ෂයෙ කෙනෙක් ඉන්නව. කලක් දියවන්නා කවුන්සිලෙත් වැඩ වාසය කරපු මේ පූජ්‍ය පක්ෂයෙ කෙනා මේ දවස්වල ඉන්නෙ ටිකක් හිතේ අමාරුවෙන්ලු...

කොළඹ නගරෙ ආරාමෙක හිටියත් උන්වහන්සේට ආණ්ඩුවෙන් ලොකු පිළිගැනීමක් නොලැබීම ගැනලු කනස්සල්ල තිබෙන්නෙ...

උන්වහන්සෙ වගේම වැඩ කරපු අනිත් අයට තනතුරු ලැබුණට උන්වහන්සේට ඉඳලා හිටලා බණකට පිරිතකට ආරාධනා කරනවට වැඩිය යමක් සිද්ධ නොවීමලු සිත් තැවුලට හේතුව...

මේ හේතුව නිසා හටගත්ත හිතේ අමාරුව ගැන දැනගත්ත ආණ්ඩුවෙ ඉන්න ඒ වගේම හිතේ අමාරු ඇති පසුපෙළ කස්ටියකුත් දැන් මේ ආරාමෙට හවසට හවසට රුස්වෙලා අනාගත දේශපාලනේ ගැන රහසින් කතා කරන්න පටන් අරන් කියලත් ආරංචියි...

ලොකුවටම නැතත් තවමත් පොඩියට කෙරෙන මේ වැඩේ ගැන ආණ්ඩුවටත් ඉව වැටිලලු. ඒ අනුව ළඟදිම ධර්මයට ආලෝකයක් ලබාදීම සඳහා එතුමාටත් වාසනාව උදාවෙන්න යන බවයි ආරංචි...