උපදේශක තුමා

දුරකථන පාටියේ අය ආයේ නෝක්කාඩුවෙන්ලු ඉන්නෙ. ඒ ලොකු තැනට වැරදි උපදෙස් දෙන කෙනෙක් නිසාලු. මේ උපදෙස් නිසා ලොකු තැනයි පක්ෂයයි දෙකම කැත වෙනවා කියලා කට්ටියක් හිතනවලු. කොහොම වුණත් මේකට එකම හේතුව තමන්ගෙ නෝනගේ කේන්දරේ හොඳ නිසා රටේ යුව රජ වෙන්න පුළුවන්ය කියල හිතන උඩරට පළාතෙ ලොක්කෙක්ය කියලයි තතු දත් අය කියන්නෙ. 

ලොකු තැන මෙයාට වශීවෙලා. වැඩ විතරක් නෙමෙයි සියල්ල අනාගන්න තැනට උපදෙස් දෙන මෙයා නිසා කාටවත් ලොකු තැනට දෙයක් කියන්න බැරිවෙලාලු තියෙන්නෙ. කොයි වෙලේ හරි පක්ෂයේ රැස්වීමකදී මෙයාට ඇට්ටි හැලෙන්න කියනවා කියලා තරුණ මන්ත්‍රීවරු හිතන් ඉන්නවලු.