මණ්ඩලේ කචල්

දුරකථන පාටිය ඇතුළේ මණ්ඩලේ පොඩ්ඩක් කචල් වෙලාලු‍. ලොකු තැන පරණ අය වෙනුවට අලු‍ත් අයට තැන දීලා මේ පාර දියවන්නාව තරණය කරන්නලු‍ යන්නේ. සමහර දිස්ත්‍රික් නායකම්, ආසන එහෙම දීලා තියෙන්නේ පරණ අයට නෙමේලු‍, අලු‍ත් අයටලු‍. මෙන්න මේ නිසා පරණ කට්ටිය නොසෑහෙන්න දුකෙන් කියලයි ආරංචිය.

මේ අතර කලකිරුණු සමහර අය මේ ඡන්දය ඉල්ලලා තීරණයක් ගන්නලු‍ ඉන්නේ. කොහොම වුණත් මේ තීරණ පිටිපස්සේ කොළඹ ඉඳලා නුවරට ගිය සිංහ කෙනෙක් ඉන්නවා කියලලු‍ ආරංචිය. එයා තමයිලු‍ දැන් ලොක්කගේ ළඟම කෙනා. එයා නුවර යැව්වෙත් නිකන් නෙමේලු‍. එයාව ඉක්මනින් පක්ෂයේ උඩට ගන්නවා කියලා ලොක්කගේ ළඟම අය පණිවිඩ අරගෙන ඇවිල්ලා තියෙනවලු‍.