මනාපෙට අමනාප වෙලාලු

මහ ඡන්දෙ මනාප කේස් එක නැගලම යනව. ජනාධිපති සටන ජයගත්ත පක්ෂය හැර අනෙක් සියලුම පක්ෂවල මේ මනාප සටන දැන් එළියටම පැනලලු.

පසුගිය කාලෙ බලවත් තනතුරු දැරූ පක්ෂයක ඉහළ තැන්වලින් තමන්ට හිතවත් අපේක්ෂකයො දෙතුන් දෙනෙක් වෙනුවෙන් රහසිගතව ප්‍රචාරක කටයුතු කරන්න පටන් අරන්ලු.

ඒ හින්ද අවුල් වෙච්ච එම පක්ෂයෙ සෙසු අපේක්ෂකයො අර අපේක්ෂකයන්ට විරුද්ධව යටින් යම් යම් සෙල්ලම් දාන්න පටන් අරන් කියල තතු දත් අය කියනව. ඒ වගේම අලුතෙන් නැගී එන තවත් පක්ෂයක බස්නාහිර පළාතෙ එක්තරා දිසාවක නායකත්වය දරන මහත්තයට එතැන සෙසු අපේක්ෂකයන්ගෙ සහය ලැබෙන්නෙ දියාරු විදියටලු.

ඒ නිසා දැන් අපේක්ෂක කස්ටිය හැමෝම තනි තනිවම මනාප සටනට බැහැල කියලයි ආරංචි.