කකුල පස්සට ගන්න යන දෙන්නෙක්?

ආණ්ඩුවෙන් යන්න හදනවය කියන පුටු පාටියෙ 18 දෙනෙක් නම් ගම් සහිතව හෙළිදරව් වෙලා මේ වැඩේ කළේ පුත්තලං පැත්තෙන් ආපු අරුන්දික උන්නැහේ...

උන්නැහේ මේ හෙළිදරව්ව කළාට එයාලගෙ කණ්ඩායමේ සමහරු ඒ හැටි මනාපයක් නැතිලු... ඇයි මේ වගේ දෙයක් කළේ කියල අරුන්දික උන්නැහේගෙන් අහන්න බලන කොට එයා ටෙලිෆෝනුත් ඕප් කරන් රටින් පිට ගිහිල්ලලු.. හැබැයි දැන් ඇවිල්ල.

කොහොමහරි මේ වැඩේ නිසා අපහසුතාවටත් කෝපයටත් පත් වෙච්ච දෙන්නෙක් දැන් තමන්ගෙ තීරණය ගැන කකුල පස්සට තියලා කියලා ආරංචියි.

එයින් එක්කෙනෙක් දකුණු ලකේ අගනගරේ පැත්තෙන් ආපු දේසපාලුතුමෙක්ලු. අනෙක් එක්කෙනා අත පාටියේ ඉහළ පට්ටම් දැරූ වයඹ පළාතේ ඇමැති සයිස් මහත්තයෙක්ලු...

කකුල පස්සට තියන්න හදන මේ දෙන්න ආයෙමත් පරණ පීල්ලට ගන්න දැන් තවත් කස්ටියක් වැඩ පටන් අරන් කියලත් තතු දත් අය කියනව....