මුල්පෙළේ කැසිල්ලක්

ඊයෙ පෙරේදා රටේ ලොකු මහත්තයත් එක්ක “නිපොන්” රටට ගිය දූත කණ්ඩායමේ හිටපු අය අතරෙ විවිධ අපූරු උදවිය හිටියලු. ඒත් ජපානෙදි වැඩියෙන්ම අමුතු පුවත් මැව්වෙ එක්කෙනෙක් විතරක් කියලයි ආරංචි... ඒකට සම්බන්ධ අපූරු සිදුවීම් ගණනාවක් දැනගන්න තියනවා...

රටේ ලොකු මහත්තයා එක්තරා වැදගත් සභාවකට සහභාගී වෙනකොට දූත පිරිසෙ උදවියට මුල්පේළියෙ ආසන ලැබෙනවා ඉතින් එහෙම ආසනේක ඉඳගෙන හිටපු ලංකාවෙන් ගිය හිටපු මන්ත්‍රී හිටපු සභාපති සයිස් මහත්තයෙක් එක්තරා ඉරියව්වකට කකුල් මාරුකරමින් විටින් විට ඇඟ කසන්න පටන් ගත්තලු. මේක වරක් දෙවරක් නෙවෙයි. හැටහුටවාරයක් වෙන්න ගත්තම තරමක විහිළුවක් බවටත් පත්වුණා කියල ජපානෙ පැත්තෙන් ආරංචි වෙනවා විද්වත් මහ සභා මැද මේ වගේ දේවල් වෙනකොට ඒකෙන් නරකක් වෙන්නෙ රටටයි කියලා බලන් හිටපු උදවිය කියන්න ගත්තා.