ගැමුණුගෙනුත් පෙරමුණක්

ගිරුවායෙ ගැමුණුතුමා ආයෙමත් දේශපාලනේට ඇදිල එන බව පේනවා... අද හෙටම උන්නැහේ අලුත් දේශපාලන පෙරමුණක් “සැට්” කරන්නලු යන්නෙ. ඉදිරි ඡන්ද ඉලක්ක කරගෙන හැදෙන මේ පෙරමුණට ලොකු තැන්වලින් දේශපාලන අනුග්‍රහය එහෙමත් ලැබෙන බව කියැවෙනවා...

ඒකෙ ආරම්භක පියවර හැටියට ගැමුණුතුමා මාධ්‍ය ඉස්සරහ පසුගියදාක කතා කරල රටේ දෙවැනි මහත්තයට ලොකු සැටිපිකට් එකක් දුන්නෙ රාජපක්ෂලගෙ කෙරැවාවල් හෙළිකරන බව අඟවමින්. ඊට පස්සෙ උන්නැහේ මාගම් පුරේට ගිහින් එහේ ඉඩමක් කඩමක් කාරිය සොයාගෙන අලුතෙන් කන්තෝරුවකුත් දාල... ඉදිරි පළාත් බබා ඡන්දෙට ගැමුණුතුමාගෙ පුත්‍රරත්නය “මාගමින්” ඉදිරිපත් කිරීමලු මේ කටයුත්තෙ අරමුණ...

පසුගියදාක මේ පුත්‍රය විවහ වුණ අවස්ථාවෙ ගැමුණුතුමා තමන්ගෙ හිටපු දේශපාලන ගුරු මහින්ද උන්නැහේටත් මඟුලට ආරාධනා කළා... උන්නැහේට අන්තිම මොහොතේ මඟුල් ගෙදරට යාම නවත්වන්න සිද්ධ වුණේ විශේෂ කාරණයක් නිසා කියල සමහරු කියනව. ගැමුණුගෙ මගුල් ගෙදරට හිටපු ලොකු තැන නොපැමිණීම නිසා උරණවූ ගැමුණුතුමා අලුත් දේශපාලන ගමනට එකතුවුණ බව හුඟදෙනෙක් කියනවා.