තිරය පිටුපස ගේමක්

අලි පාටියෙ මහ පුටු අපේක්ෂකකම කරපු සජීතුමා ඡන්දෙදි තමන්ට කතිරෙ ගහපු අයට ස්තූති කරන්න රට පුරා යන්නලු හදන්නෙ...

ඒකෙ මුල්ම රුස්වීම තිබ්බෙ කොලොන්නාවෙ.. මන්ත්‍රි මරික්ස් තමයි වැඩේ කරන්න භාරගත්තෙ. දවස් දෙක තුනක් ඇතුළත වැඩේ සංවිධානය කරල පාක්ෂිකයො පළාතෙ හෝල් එකකට ගෙනල්ල රුස්වීම කරන්න ලෑස්තිවෙන කොට ඒකට අලි පාටියෙම ලොකු මහත්තයට හිතවත් උදවිය සන්තෝෂ වුණේ නැහැ...

පක්ෂයේ ලොකුම ලියන මහත්තයෙකුත්... අගනුවර පැත්තෙ ඉන්න නමෙනුත් නායක දිසාවෙත් නායකකම් කරන මහත්තයෙකුත් මේ රුස්වීම අල කරන්න ගේමක් ඇටෙව්වලු...

උන්නැහේලා කරලා තියෙන්නෙ ටැලිෆෝන් මගින් ඔය කියන ආසනේ ඉන්න දන්න කියන ප්‍රබල උදවියට කතා කරලා ස්තූති කිරීමේ ජන හමුවට නොගියාට කමක් නැහැ කියන අදහස ඉදිරිපත් කිරීමලු...

ඉතින් රැස්වීම දවසවෙනකොට කොලොන්නාවෙ කස්ටිය අතරේ මේ කතාව පැතිරිලා ගියා... ඒ නිසා හැමෝම හිතුවෙ ස්තූති කිරීමේ රුස්වීම චකබ්ලාස් වෙයි කියලයි. නමුත් සිද්ධ වුණේ අනිත් පැත්ත නොසිතූ සෙනගක් රැස්වීමට පැමිණියා. වැඩේ ජයට කෙරැණ... රුස්වීමට යන්න එපා කියලා උපදෙස් දුන් අය අන්දමන්ද වුණා...