උතුරෙන් දකුණට තෑග්ගක්
උතුරෙන් දියවන්නාවට පත්වුණ මන්තිරිතුමෙක් ඉන්නවා. උන්නැහේ ගිය පාර පාත්වුණේ අත පාටි සන්ධානෙන්.
මුන්නැහේ දේශපාලනේට වගේම ව්‍යාපාර කටයුතුවලටත් දක්ෂ පක්ෂ කම් තියෙන පොරක්. එයා ඉතාම කූල් එකේ තමයි තමන්ගෙ ව්‍යාපාර කටයුතු කරන්නෙ. ඒවට ආණ්ඩුවෙනුත් සමහර අවස්ථාවල සහාය ලබාගන්නවා...
මෙහෙම සහාය ලබාදෙන අයට උතුරෙ මන්තිරිතැන ඉතා හොඳට සලකන බවයි ආරංචි... එයා කොච්චර හොඳට තමන්ගෙ හිතවතුන්ට සලකනවද කියනවා නම් සිය ව්‍යාපාරවලට උදව් පදව් දුන්න ඈත දකුණෙන් පත්වෙච්ච ඇමැති සයිස් මහත්තයෙක් ඉන්නවා....
පසුගිය දවසක එයාට මේ උතුරෙ යාළුවා කරන ලද උදව් වෙනුවෙන් පොඩි තෑග්ගක් දුන්නා. ඒක පොඩි තෑග්ගක් කිව්වට පොඩිම දෙයක් නොවෙයි....
කිරි කිරි ටොයියෙක් වගේ අලුත්ම කාර් එකක් තමයි මේ තෑග්ග හැටියට හම්බවෙලා තියෙන්නෙ.
වැඩිය සද්ද බද්ද නැති ජරමරවලටත් සම්බන්ධ නැති දකුණෙ ඇමැති තැනත් උතුරෙන් ලැබුණ මේ තෑග්ග ඉවසා වදාරමින් භාරගත් බවයි තතු දත් අය කියන්නෙ.