ගැමුණුගෙ පිම්ම

අලි පාටියෙන් කැපුණු තුන් හතර දෙනෙක් අලුත් සන්ධානයක් හදන්න යන කතාව ඇත්තලු. මේකේ අයිඩියා එක දාලා තියෙන්නේ කාලයක් ආණ්ඩු කරලා, ඇතුළේ අල කරලා, ලෙඩ දාලා, වලිදාගත්ත ගැමුණුලු. ගැමුණු තමයිලු මේ වැඩේ ඕගනයිස් කරන්නේ. මේකට කොළඹ කරුණාවට බර නායක, දිසාවටම නායක කෙනෙක් වගේ අයලු ඉන්නේ. මේකේ සාකච්ඡා යන අතරතුරේලු මේක එළියට පැන්නේ.

දැන් මෙයාලගේ අරමුණ අලි පාටියට ඇටෑක් කරන්නලු. පාටියේ අලුත් ලේකම් එක්ක එයාලා ඇයි හොඳයියක් නැති නිසාත්, සභාපති උන්නැහේ එක්ක හිතවත්කමක් නැති නිසාත් මේ අය එතන ඉන්න බෑ කියලා හිතලා ඉවරලු. ඒ නිසා ඉක්මනින් මේක හදලා කොහේ හරි තැනකට හේත්තුවක් දාලා අලියව අල්ල ගන්න එකලු කැමැත්ත.

මේ අතර මේ වැඩේ ඉන්න දිසාවට බර නායකයෙක් පසුගිය දවසක ටෙලිෆෝන් පාටිය පැත්තේ ටෙලිෆෝන් වලටත් කෝල් අරන් තියෙනවලු. කොහොම වුණත් එයත් කරන්න දෙයක් නැතිව එකතු වුණා මිසක් ගැමුණුයි, කරුණාවට බර නායකයි එක්ක ගමනක් යන්න ආසාවක් නැහැ වගේ කියලයි ආරංචි.