අලුත් තුරුම්පුවක්

අලි පාටියේ අතරමං වෙලා ඉන්න ටිකක් නම ගිය කිහිප දෙනෙක් ආණ්ඩුව එක්ක ජැක් එකක් ගහන්න කාලයක් තිස්සේ උත්සාහයකලු ඉන්නේ. ඒ අයගෙන් කිහිප දෙනකුට මේ පාර තනතුරුත් නෑලු අලි පාටියෙන්. කොළඹ කරුණාවට බර එක්කෙනා, දයාවට බර එක්කෙනා, ගැමුණු වගේ අය එහෙම ඉන්නවා උඩින්ම. අපි පහුගිය ටිකේ කිව්වනේ ඒ අය අලුත් සන්ධානයක් හදන්න ලෑස්ති වෙනවා කියලා. ඒ වැඩෙත් හරියන්නේ නෑ කියලයි ආරංචිය.

කොහොම වුණත් මේ අය අලුත් තුරුම්පුවක් පාවිච්චි කරනවලු. ඒ තුරුම්පුව අදින්නෙ දුරකථන පාටියෙන් පිට පැනලා ඉන්න නෝනා කෙනෙක් අල්ලං. ඒ නෝනට ආණ්ඩුවේ ඉහළ සම්බන්ධතා තියෙන නිසා කට්ටිය එයා එක්ක කදේ වැටිලලු ඉන්නේ. හැබැයි ආණ්ඩුවට යන්නද? වෙන දෙයක් කරන්නද කියලා තවම කවුරුත් දන්නේ නෑලු. කොහොම වුණත් මේ චරිත ටිකට ආණ්ඩුව ඇතුළෙන් ඒ හැටි ප්‍රසාදයක් නම් නැතිලු. නමුත් හැමෝම ඇහැගහගෙනලු ඉන්නේ. මේක අලුත් යාළුකමකුත් නෙමෙයි. හැබැයි එක පාර මේ මතුවුණු යාළුකම ගැන හැමෝම ටිකක් අවධානයෙන් ඉන්නේ කියලයි ආරංචිය.