රාජ යෝගයක්

දුරකථන පාටියේ ඉන්න කෙනෙක් මේ වෙද්දී රාජ යෝගයක් නිසා රාජ උෂ්ණයෙන් ඉන්නේ කියලා ඇතුළේ කට්ටියගේ කසුකුසුවක් තියෙනවලු. එකපාරක් රටේ මහ පුටුවට ඉල්ලලා වැඩේ අබ්ලික් කරගත්ත මෙයාට ඉතාම සංවිධානාත්මකව පිරිසක් නැවතත් ඔටුනු පළන්දවන්න හදන්නේ කියලා ඇතුළේ හැමෝම කතාවෙනවලු.

මේ නිසාම දැන් මෙයා මැද මාවතේ ඉඳිමින් කතා කරමින් අලුත්ම අලුත් ගමනක් වෙනස් මුහුණුවරකින් යන්න හදන්නේ කියලත් කට්ටියට දැනිලලු තියෙන්නේ. මේ ඔටුනු පළන්දන වැඩේට අලි පාටියේ පිරිසකුත් පස්සෙන් ඉන්නවා කියලලු ආරංචිය. කොහොම වුණත් මේ වැඩේට තවම දුරකතන පාටියේ කවුරුත් ඉන්නවා කියලා හෙළිවෙලා නෑලු. ඒ නිසා හැමෝම ඉන්නේ කවුද එයාව හම්බවෙන්නෙ කින්ද මන්ද කියල හොයන ගමන්ලු. කොහොම වුණත් එයාගේ වැඩපිළිවෙළ ගැන දුරකථන පාටියේ බහුතරයක් දෙනා උඩ තැනට ගතු කිව්ව බවත් ආරංචියි.