පොලිස් කතාවක්
මිනිපුරේ පොලිසිවලට තමන්ට ඕන ලොක්කො පත්කර ගන්න සමහර දේශපාලන භවතුන් ලොකු සටනක් පටන් අරන්... පසුගියදාක කිරිවලට ප්‍රසිද්ධ ඇල්ලක් තිබෙන පැත්තෙ පොලිසියකට ලොක්කෙක් පත්කරගන්න ගිහිල්ල මේ සටන රටේ ලොකු මහත්තුරු ළඟටම ගෙනියන්නත් සමහරු කටයුතු කළා කියල ආරංචියි.
ඊට පස්සෙ මේ සටන්වලට බැහැල ඉන්න සමහර අය තමන්ගෙම කෙනෙක් මේ වගේ තැන්වලට දාගන්න මේ තරම් ට්‍රයිකරන්නෙ ඇයි කියල සමහරු සොයල බලන්න වුණා. ආණ්ඩුවෙ ඉහළම තැන්වලිනුත් ඒ ගැන සෙවුම් බැලුම් සිද්ධ වුණා. ඒ වෙලාවෙ දැනගත්තෙ අපූරු කතාවක්....
මේ වැඩේට බැහැලම ඉන්න එක්කෙනෙක් තමන්ගෙ අය මේ වගේ පොලිසිවලට පත්කර ගන්න මේ තරම් ට්‍රයි කරන්නෙ මැණික් පතල් කේස් එකක් නිසා බවයි තතු දත් අය කියන්නෙ....
එක්තරා ගංගාවක් ආශ්‍රිතව තියෙන මැණික් නිධියක් සහ නිධානයක් ගැනත් ඒ පළාතෙ කරුණු කාරණා දන්න කස්ටිය නොයෙක් දේවල් කියනව... මේ හුටපට නිසාලු ලොකු සටනක් දීල තමන්ගෙ අයව අවශ්‍ය තැන්වලට දාගන්න ට්‍රයි කරන්නෙ.
