පට්ටම් ගැන කලකිරුණු අය

තමන්ගෙ අමාත්‍යංශයට නොයන රාජ්‍ය මට්ටමේ ඇමැති කස්ටිය දෙතුන් දෙනෙක් ඉන්නවය කියල ඉහළට වාර්තා වෙලා... එයින් එක්කෙනෙක් පුලතිසිපුරේ පැත්තෙලු. අනිත් එක්කෙනා මී-ගොමුවක් තියෙන පළාතකින්ලු ඇවිත් තියෙන්නෙ.

තුන්වැනිය ඉඳහිට අමාත්‍යංශයට ගියත් උන්නැහේ නිතරම ඉහළට කතා කර කර තමන්ට කැබිනට් ඕන කියලා අඬනවලු... සීතල පළාතකින් ආපු මුන්නැහේ එක්තරා ජන කොටසක් නියෝජනේ කරන පිය උරුමයෙන් දේශපාලනේට ආපු පොරක්... ඒ වගේම කවුන්සිලේට ඇවිල්ල අවුරුදු දෙක තුනක්වත් නැහැ... ඒ වුණත් එයා (ෂෝ) එකටත් බර නිසා කැබිනට්ම ඉල්ල ඉල්ලා යනවලු...

මේ තුන්දෙනාගෙන් පුලතිසිපුරේ එක්කෙනා මාස ගණනක්ම හිටියෙත් පිටරටකලු.. ආවෙ ළඟදිලු... උන්නැහේගෙ දිස්ත්‍රික්කෙ තරග කරන ප්‍රබල චරිත එක්ක හැප්පෙන්න එයත් කැබිනට් ඉල්ලන බවයි ආරංචි... ඊළඟට අපි කිව්ව මී-ගොමු ඇමැති තැනට තිබෙන්නෙ තමන්ගෙ අමාත්‍යංශයට සුදුසු ලේකම් කෙනෙක් දමාගැනීමේ අවුල... එයා ඒකට සුදුස්සෙක් නම් කළත් ඉහළින් තවමත් ඒකට කොළ එළිය පත්තුවෙලා නැති නිසාලු එයා කනස්සල්ලෙන් ඉන්නෙ...