නායකයා බැහැ කියනවලු

අත පාටියෙන් එලවලා දාපු අයගේ අලුත්ම නවාතැන වෙලා තියෙන්නේ හිටපු ලොකු මැඩම්ගේ ගෙදරලු. මේ ළඟදී ලොකු මැඩම්ගේ පියාගේ ගුණානුස්මරණයට පවා ඒ එළවපු අත පාටියේ අය පොරකකා ඇවිල්ලා හිටියා.

මේ ආපු අය හැමෝටම ලොකු මැඩම් අලුත් තැනක් හොයලා දෙන්න තීරණය කළාලු. ඒ තමයි දැනට කළුතර සිංහයාගේ පක්ෂය. ඒ හැමෝටම ඒ පක්ෂයට එකතු වෙන්න කියලා දැන් කෙළින් නොකියා වටෙන් ආරාධනා එනවලු.

කොහොම වුණත් අත පාටියේ ලොක්කට රිද්දන්න මේ තීරණය ගන්න ඕන කියලා ඒ අත පාටියෙන් එළවපු අය තීරණයක් අරන්ලු තියෙන්නේ. ඒත් මේ කළුතර සිංහයා කවුරු රජ කරන්න හදන සැලසුමක්ද කියලා මේ අය හොයන ගමන්ලු ඉන්නේ. ඇත්තම කතාව රජ කරවන්න ට්‍රයි කරන්නේ නම් ලොකු පවුලක තරුණයෙක් කියලයි ආරංචිය. පිටරටක වැඩිපුර ඉන්න මේ තරුණයා පසුගිය මාසේ ලංකාවට ඇවිල්ලා හිටියලු. ඒ වෙලාවෙ අලුත් පාටියෙ අය ගිහිල්ලා කළුතර සිංහයාගෙන් පක්ෂයෙ නායකත්වය ගන්න මේ තරුණයට ආරාධනා කරලා. ඒත් තරුණයා කෙළින්ම ඒකට අකැමැත්ත ප්‍රකාශ කළාලු... ඒක නිසා මේ යෝජනාව ගෙන ආ අය අප්සෙට් එකේලු ඉන්නෙ.