පට්ටම් එකයි - සටනෙ හයයි

දියවන්නා කවුන්සිලේ පුරප්පාඩු වෙලා තිබෙන එක්තරා ලේකම් ධුරයකට මේ දවස්වල තිරය පිටුපස ලොකු සටනක් යනවලු... මේ තනතුරේ මෙතෙක් හිටපු කෙනා උසස් තනතුරකට පත්වුණ නිසයි මේ පුරප්පාඩුව ආවෙ.

ආණ්ඩුවෙ ඉහළම සංවිධායක කටයුතු භාර ලේකම් පට්ටමට තමයි මේ තරගය පවතින්නෙ කියල තතු දත් අය කියනව.

ආරංචි විදියට මේ පට්ටමට දැන් හය දෙනෙක්ම සටන් කරන බවයි කියැවෙන්නෙ. ඒ සේරම දෙනා ලොකු ලොකු නම් කියන උදවිය බවත් ආරංචියි.

කොහොම නමුත් අන්තිමට තනතුර ලැබෙන්නෙ කජු කනව වගේ වැඩ කරන්න දන්න එක්තරා සිංහයෙකුට කියලත් සමහරු කියන්න පටන් අරන්.... ඒ වුණත් සටන දිගටම යනව. මේකෙ රසවත් කතා බොහොම තිබෙන වගත් ආරංචියි.