ආසයි බයයි

දුරකථන පාටියේ  කාලයක් පලා බබාලා වෙලා හිටිය කට්ටියක් හරිම කලකිරීමෙන්ලු ඉන්නේ. ඒකට හේතුව එයාලට පක්ෂයේ ඉදිරියට එන්න අවස්ථාවක් නැතිකම. ඇතුළේ ඉන්න ලොකු ලොකු අය මාධ්‍ය ඉදිරියෙයි, වේදිකාවලයි පෙනී හිටියට මේ අයට එහෙම අවස්ථාවක් නෑලු. ඡන්දයකුත් නෑලු. ඉතිං මේ නිසා හැමෝම ඉන්නේ හරිම හිතේ අමාරුවෙන්ලු.

මෙහෙම ඉන්න අයට අලි පාටියෙන් ආරාධනයක් ඇවිල්ලලු ආණ්ඩුවේ තනතුරු එක්ක සංවිධායකකමක් බාරගන්න කියලා. ඉතිං මේක ටිකක් වාසි වැඩක් නිසා හැමෝම පුදුම වෙලාලු ඉන්නේ මේක ගැන. සමහර අය නම් දැන් යන්නම බෑග් ටිකත් ලෑස්ති කරගන්නවලු. හැබැයි යන්නේ මාධ්‍ය අමතලා දෙකක් කියලා කියලයි ආරංචියි. කොහොම වුණත් ඒ අයගෙන් කස්ටියක් ආසයි බයයි මට්ටමේලු ඉන්නෙ.