තීන්දුවක් ගන්න එපා!

වතුකරේ පක්ෂ දෙකක් නියෝජනේ කරන දැනට විපක්ෂයේ වාඩිවෙලා ඉන්න නායකයො දෙන්නකුට පසුගිය දවස්වල එයාලට හිතවත් ආසියාවේ ලොකු රටකින් ලොකු දේශපාලන උපදේශයක් ලැබුණය කියල තිරය පිටිපස්සෙ කතාවක් යනව...

මේ උපදේශය ලැබිල තියෙන්නෙ ලබන අවුරුද්දට යෙදෙන මේ රටේ මහා පුටු ඡන්දය ගැනලු... අපට ආරංචි විදිහට ඔය උපදේශයෙන් කියවල තිබෙන්නෙ මහා පුටු ඡන්දෙදි උදව් කරන්නෙ කාටද කියල දැන්ම තීන්දුවක් ගන්න එපා කියලලු....

ඒ රටේ කස්ටිය දැන් අපේ රටේ ඔය තරගෙට ඉදිරිපත් වෙනවය කියන චරිත දෙකක් ගැන ලොකු අධ්‍යයනයක් කරන බවත් ඒක කරල අන්තිමට තීන්දුව දෙනකම් ඔය පැත්තෙනුත් අවසන් තීරණයක් ගන්න එපා කියලලු මේ වතුකර ලොක්කො දෙන්නට කියල තියෙන්නෙ....

ඒ අනුව එයාල මහ පුටු ඡන්දෙ ගැන අන්තිම තීන්දුවක් ගන්න එක ටිකක් කල්දාලා කල් බලන්න පටන් අරන් කියල ආරංචියි...