දිනන ඡන්දවලටයි සහය

ඉදිරි මහ පුටු සටනට ඉදිරිපත් වෙනවය කියල දැනටමත් නම් ප්‍රකාශ කරල ඉන්න අපේක්ෂකයො ගණනක් ගැන අපි දන්නව... මෙයින් සමහරු දැන් තව තවත් පක්ෂ එක්ක සන්ධාන ගතවෙලා සටනට එන්නයි යන්නෙ.... පසුගියදාක පොහොට්ටුවෙ මන්තිරි පට්ටමක් දරන පෙරේරා උන්නැහේ මහ පුටු සටනට එනවය කියල කිව්වට මේ දවස්වල ඡන්ද සටන පටන් අරන් ඉන්න ජය පතන වීරයෙක් පොහොට්ටු කන්තෝරුවට ඇවිල්ල පොහොට්ටුවෙ මහ පුටුවෙ ඉන්න කෙනා හමුවුණ බව ආරංචියි...

මේ අපේක්ෂක තැන ඇවිත් තියෙන්නෙ තමන්ගෙ ඡන්ද සටනට පොහොට්ටු කස්ටියගෙ සහය ඉල්ලන්න බවයි කියැවුණේ. ඉතින් ඒ ගැන දෙගොල්ල කතා කරගෙන යනකොට පොහොට්ටුවෙන් කියැවුණේ මෙහෙම කතාවක්ලු.

''තමුන්නාන්සෙට ඡන්දය දිනන්න පුළුවන් බව අපිට තහවුරු කරන්න. ඒකට සාක්ෂි ඉදිරිපත් කළාට පස්සේ අපි තවදුරටත් මේ ගැන කතා කරමු... අපි මෙහෙම කියන්නෙ දිනන ඡන්දයකට මිසක් පරදින ඡන්දයකට කාටවත් උදව් නොකරන්න අපි තීන්දු කරපු හින්දයි...'' මේ උත්තරය ලැබුණට පස්සෙ අපි බලමු කියල කිව්ව අපේක්ෂකතුමා ආපසු ගියා කියලයි ආරංචි.