ක්‍රිකට් බකට්
මේ දවස්වල රටම කතා වෙන ක්‍රීඩා අවුල ගැන රටේ ලොකු තැන ඉන්නේ ලොකූ අවුලකින්ලු. ඒ රටට ක්‍රිකට් අහිමිවීම ගැන. ඉතින් ඒකට හේතුව එයාගේ කැබිනට් එකේ කෙනෙක්ගේ වැඩ කියලා ලොකු තැන තරයේ විශ්වාස කරනවලු. කොහොම වුණත් රට කරවන තැන හැමෝටම ආරංචි වෙලාලු තියෙන්නේ මෙයා පිටිපස්සේ ඉන්නේ විරුද්ධ පැත්තේ ලොකු තැන කියලා. ඒ ලොකු තැන කියන කරන දේවල් තමයි මෙයා කියන්නේ කියලා.
ක්‍රීඩා අංසෙ ලොකු තැන දවස් දෙක තුනකට කලින් යාළුවෝ එක්ක කතා කර කර ඉන්න වෙලාවක කිව්ව දේවල්ම වෙනත් දවස්වල ඒ වීදිහටම විපක්ෂයේ ලොකු තැනත් කියනවලු කිසිම අඩුපාඩුවක් නැතුව. ඉතින් මේ දෙන්නගේ සම්බන්ධය දැන් හෙළිවෙලා නිසා ආණ්ඩුවේ ඇමැති සයිස් දෙන්නෙක් තුන්දෙනෙක් මෙයාට අවවාද කළාලු වැඩේ ඔහොම ගියොත් අවුල් වෙයි කියලා. ඒත් මෙයා ඒවා සතයකට මායිම් කරන්නේ නෑලු. ලොකු තැනත් ඒවා දන්නවලු. ලොකු තැන නුදුරේදීම මෙයාට පාඩමක් කියා දෙනවා කියලයි කියන්නේ.