තවත් දෙදෙනෙක්

පසුගිය දවසක අපේ සෙල්ලම් ඇමැතිතුමාගෙ පට්ටම ගැලවුණාම ඒක ගන්න හැට හුටහමාරක් දෙනා බලන් හිටියලු....

අයිතිකාරයො උරුමකාරයො කේලම්කාරයො ආදී මෙකී නොකී රැසක්ම බලා ඉඳිද්දී මේ පට්ටම් අටපට්ටම් නොකර ආරක්ෂා කරගන්න එක ගැන අන්තිම තීන්දුව ගැනීම අයවැයෙන් පස්සට දාන්න රටේ ලොකු තැන කල්පනා කරල තිබෙන වගයි තතු දත් අය කියන්නෙ....

ඒත් ඊට කලින් අමාත්‍යංශ දෙක පවත්වාගෙන යන්න ඕන නිසාත් කරදරකාරයන්ගෙන් බේරෙන්න ඕන නිසාත් පැලැස්තර විසඳුමක් හැටියට තමන්ට වලංගු හරීන්තුමාටයි පවිත්‍රතුමියටයි ඒ පට්ටම් දෙක ප්‍රදානය කළා. නමුත් අයවැයෙන් පස්සේ මේ පට්ටම් ආයෙමත් වෙනස් වෙන්න යනවලු...

එතෙන්දි උඩරටින් ආපු එක්තරා 'වත්ත' කෙනෙකුටයි දිසාවකට නායකයකුටයි ඔය පට්ටම් දෙක මාට්ටු කරන්න අප්‍රකට සැලසුමක් තිබෙන බව ආරංචියි. ඒ ගැන ඔය තනතුරු ලැබෙන්න යනවය කියන අය පවා දැන් ටික ටික දන්නවලු.