පත්තු වෙන්න ළඟයි

පහුගිය දවසක ගම්පහ කඩවත ලොකු රැස්වීමක් තිබුණා ලොකු තැන ජනාධිපති පුටුවට ගේන්න. මේක ලෑස්ති කළේ පොහොට්ටුවේ මහා ඇමැති කෙනෙක්. මෙයා ඉතින් දිස්තිරික්කේ නායකයා වගේ ඉන්න නිසා මෙයා වටේම අයට ඇමතුම් දීලා වැඩේට එන්න කිව්වලු. කොහොම වුණත් මෙයත් එක්ක කාලයක ඉඳන් හිත හොඳ නැති හිටපු නියෝජ්‍ය ඇමැති කෙනෙක් ඉන්නවලු. කාටත් සරණක් වෙන්න දඟලන එතුමා මේ වෙලාවෙත් අරයා කතා කළ සංවිධායකවරුන්ට, නගර සභා, ප්‍රාදේශීය සභා මන්ත්‍රීවරුන්ට ඇමතුම් දීලා කිව්වලු යනවා එහෙම නෙමේ, අර රැස්වීමට කියලා. එහෙම කියන්න හේතුවක් තියෙනවලු. මහා ඇමැති රටේ ලොකු තැන එක්ක වෙනම ගමන ගියොත් පොහොට්ටුවේ දිස්තිරික්ක නායකයා වෙන්නේ එයා කියලා අදහසක් තියෙනවලු. ඒක තමයිලු මේ ඇමැතුම් අරන් කියන්න ගිහින් තියෙන්නේ.

කොහොම වුණත් අන්තිමේ මේක දැන් දෙන්නා අතර ලොකු රණ්‍ඩුවක් වෙන තැනටම වැඩේ පත්තු වෙලාලු තියෙන්නේ. කොයි මොහොතක හෝ දෙන්නා ඇවිලෙයි කියලා හැමෝම බයේලු ඉන්නේ.