එයා එනව නම් අපි යනව

“අරය මේ පැත්තට එනව නම් මම ඒ පැත්තට යනවය” කියන ඇමැති සයිස් මහත්තයෙක් ආණ්ඩුවෙ ඉන්නවලු.
එයා අරය කියල කියන්නෙ එක්තරා පක්ෂ නායකයකුටලු. ඒ දෙන්නා අතරෙ අවුරුදු ගණනාවක ඉඳල තිබෙන ආරවුලක් නිසා එයා ඉන්න පැත්ත පවා මෙයාට අරහන්ලු. ඒ හින්ද එයා යන්නෙ කොතැනටද ඊට විරුද්ධ පැත්තටලු මේ ඇමැති සයිස් මහත්තය යන්නෙ...

මේ දවස්වල තියෙන පක්ෂ මාරු හුටපට අස්සෙ අපි මේ කියන පක්ෂ නායකයා දැන් විපක්ෂය පැත්තටලු ඉව අල්ලන්නෙ. ඒ නිසා අපේ ඇමැතිතුමා ඒ පැත්ත බලන්නෙවත් නැති බවයි ආරංචි. නැත්නම් ඇමැතිතුමාටත් ඒ පැත්තෙන් ආරාධනා නම් ලැබිලලු තිබුණෙ.
මේ දෙන්නම නියෝජනේ කරන්නෙ කොළඹ දිසාව. එක්කෙනෙක් අඳින්නෙ ජාතික ඇඳුම. අනික් එක්කෙනා යුරෝපීය ඇඳුම අඳින කෙනෙක්ලු.